Estamos a descubrir que existen moitas linguas no mundo. As que atopamos na sopa de letras, as que se falan na nosa clase ou na nosa familia... e outras das que seguro oímos falar algunha vez. Cantas delas coñeciamos?

Nesta tarefa imos investigar sobre as linguas do mundo: a súa distribución territorial, os seus falantes, a súa relacións e o seu parentesco. O resultado da nosa investigación quedará plasmado de forma visual nun mapa e un gráfico.

Propoñémosvos unha pequena tarefa de investigación sobre as linguas máis faladas do mundo; talvez sorpréndanvos os resultados.

Para realizar a nosa investigación seguiremos os seguintes pasos:

1º paso: recollida de información
2º paso: elaboración dun mapa lingüístico
3º paso: elaboración dun gráfico

1º Paso

Para a procura e selección de información seguimos os seguintes procedementos:

-  Pensamos ben que palabras poñer no buscador.

-  Fixámonos na data para atopar páxinas actualizadas (usamos as ferramentas de procura de Google).

- Sintetizamos os datos e facemos unha listaxe das 15 linguas máis faladas no mundo.

- Realizamos unha táboa de recollida de información cos seguintes datos:

          - Lingua

          - Paises e rexións nos que se fala

          - Número de falantes     

2º Paso

Axudándonos da información recollida na táboa, situaremos estas linguas nun mapa que incluiremos máis adiante no proxecto final.

No mapa que che entregará o teu mestre, marcamos con cores distintas cada lingua e engadimos debaixo do mapa a lenda.

3º Paso

Agora, imos reflectir os datos sobre o número de falantes de cada unha destas linguas nun gráfico. Podemos facer un gráfico circular ou un de barras.